Umuganga w'ikipe y'igihugu ya Brezili avuga ko imvune ya Neymar idakomeye

Neymar ubwo yari aryamye mu kibuga nyuma yo kuvunika umutsi wo mu itako Uwufise ububasha kw’isanamu Getty Images
Image caption Neymar ubwo yari aryamye mu kibuga nyuma yo kuvunika umutsi wo mu itako

Rutahizamu Neymar w'ikipe y'igihugu ya Brezili na Paris Saint-Germain yo mu Bufaransa, avuga ko imvune y'umutsi wo mu itako yagiriye mu mukino wa gicuti Brezili yatsinzemo Cameroun igitego 1-0 idakomeye.

Muri uwo mukino wabereye ku kibuga Milton Keynes mu Bwongereza cyarimo abafana 29669, Neymar yakinnye iminota itandatu gusa.

Yavunitse ubwo yateraga ishoti, ahita asimburwa na Richarlison ukina mu ikipe ya Everton.

Richarlison yagaragaje ko yari umukinnyi wari ukwiye gusimbura Neymar, atsinda igitego cy'umutwe igice cya mbere kirangira - igitego cyaje kuba icy'intsinzi muri uwo mukino.

Neymar, abinyujije mu butumwa bwo ku rubuga nkoranyambaga rwa Instagram, yagize ati:

"Ndashimira buri wese wanyoherereje ubutumwa bwo kunyifuriza kurwara ubukira, sintekereza ko [imvune] ikomeye".

Uwufise ububasha kw’isanamu Reuters
Image caption Neymar amaze gutsinda ibitego 16 mu ikipe y'igihugu no muri Paris Saint-Germain muri uyu mwaka w'imikino

Byanemejwe kandi na Rodrigo Lasmar, umuganga w'ikipe y'igihugu ya Brezili, wagize ati:

"Yababaye. Azakenera igihe gito cyo kugenzura [imvune] anyuzwe no mu cyuma, ariko urebye ntabwo ari imvune ikaze".

Uwufise ububasha kw’isanamu EPA
Image caption Kylian Mbappe amaze gutsinda ibitego 15 mu ikipe y'igihugu no muri Paris Saint-Germain muri uyu mwaka w'imikino

Mu wundi mukino, mugenzi we Kylian Mbappe bakinana mu ikipe ya Paris Saint-Germain yasimbuwe nyuma yo kuvunikira urutugu mu mukino wa gicuti wahuje Ubufaransa na Uruguay wabereye i Paris mu murwa mukuru w'Ubufaransa.

Umukino utaha w'ikipe ya Paris Saint-Germain ifite igikombe cya shampiyona yo mu Bufaransa, uzaba ku wa gatandatu, yakira ikipe ya Toulouse.

Ibindi bisa n’ibi