Dore icyo Liverpool, yatsinzwe na Paris St-Germain, icyeneye ngo ibe yakomeza muri Champions League

Neymar kuri ubu ni we mukinnyi w'Umunyabrezili umaze gutsinda ibitego byinshi kurusha abandi mu mateka ya Champions League Uwufise ububasha kw’isanamu EPA
Image caption Neymar kuri ubu ni we mukinnyi w'Umunyabrezili umaze gutsinda ibitego byinshi kurusha abandi mu mateka ya Champions League

Liverpool ifite akazi katoroshye ko kuba yakomeza mu cyiciro cy'imikino yo gukuranamo ya Champions League nyuma yo gutsindwa na Paris St-Germain ibitego 2-1 mu mukino wo mu itsinda C wabaye ku wa gatatu.

Iyi kipe itozwa n'Umudage Jurgen Klopp yari yatsindiwe ku mukino wa nyuma wa Champions League mu mwaka ushize w'imikino, ubu iri ku mwanya wa gatatu muri iryo tsinda.

Icyeneye gutsinda Napoli iri ku mwanya wa mbere ubwo izaba yayakiriye ku itariki ya 11 y'ukwezi gutaha kwa cumi na kabiri ku kibuga cyayo cya Anfield, kugira ngo ibone amahirwe yo kuba yakomeza mu mikino ya Champions League y'uyu mwaka.

Mu wundi mukino wo muri iryo tsinda, Napoli yatsinze Red Star Belgrade ibitego 3-1.

Mu gihe kinini cy'uwo mukino wa Liverpool na Paris St-Germain waberaga i Paris mu Bufaransa, Liverpool yarushijwe bigaragara kuburyo penaliti ya James Milner yabonetse igice cya mbere cyenda kurangira ari yo shoti imwe gusa Liverpool yari iteye mu izamu rya Paris St-Germain.

Uwufise ububasha kw’isanamu Rex Features
Image caption Rutahizamu Mohamed Salah wa Liverpool yagowe cyane na ba myugariro Thiago Silva na Presnel Kimpembe ba Paris St-Germain

Icyo gihe, Liverpool yari yamaze gutsindwa ibitego bibiri, icya mbere cyinjijwe na Juan Bernat n'icya kabiri cyinjijwe na Neymar.

Ni iki Liverpool icyeneye ngo ibe yakomeza?

Amategeko agoye ya Champions League avuga ko iyo amakipe anganya amanota mu itsinda, atandukanywa nuko yitwaye mu mikino yayahuje.

Napoli, iwayo, yatsinze Liverpool 1-0 mu mukino baheruka gukina.

Niba Paris St-Germain itsinze Red Star Belgrade mu mukino wa nyuma uzahuza aya makipe muri iri tsinda, izakomeza. Bivuze ko Liverpool icyeneye ibi bikurikira mu mukino uzayihuza na Napoli:

  • Igitego 1-0 cyatuma ikomeza, kubera ibitego yatsinze mu cyiciro cyo mu matsinda
  • Itsinze ibitego bibiri cyangwa birenga byatuma ikomeza, kubera kwitwara neza mu mikino yahuje aya makipe yombi
  • Ariko, gutsindwa 2-1 cyangwa 3-2 byatuma ISEZERERWA kubera ko Napoli yaba yatsindiye igitego cyangwa ibitego hanze, rero yakomeza hashingiwe ku mikino yahuje aya makipe yombi.

Ibindi bisa n’ibi