Atletico Madrid yatsinze Getafe, irya isataburenge Barcelona iri ku mwanya wa mbere by'agateganyo

Griezmann amaze gutsindira Atletico Madrid ibitego 16 muri uyu mwaka w'imikino Uwufise ububasha kw’isanamu Getty Images
Image caption Griezmann amaze gutsindira Atletico Madrid ibitego 16 muri uyu mwaka w'imikino

Atletico Madrid ubu irarushwa amanota abiri na Barcelona iri ku mwanya wa mbere by'agateganyo muri shampiyona ya La Liga yo muri Espanye, nyuma yo gutsinda Getafe ku wa gatandatu.

Antoine Griezmann na Saul Niguez ni bo batsinze ibitego bibiri by'iyi kipe itozwa na Diego Simeone - Umunya-Argentine w'imyaka 48 y'amavuko - mu gihe abakinnyi Djene Dakonam na Leandro Cabrera b'ikipe ya Getafe yari yasuye basohowe mu kibuga, buri umwe amaze kwerekwa amakarita abiri y'umuhondo.

Muri uyu mwaka w'imikino, Atletico imaze gutsindwa umukino umwe gusa mu mikino 20 ya shampiyona.

Sevilla ubu yageze ku mwanya wa gatatu by'agateganyo, imbere ya Real Madrid, nyuma yo kunyagira Levante ibitego 5-0.

Ibitego bya Sevilla, yakiniraga iwayo, byatsinzwe na Wissam Ben Yedder, Andre Silva, Franco Vazquez, Pablo Sarabia na Quincy Promes.

Kuri iki cyumweru, Barça irerecyeza ku kibuga cya Girona, mu gihe Real ikina na Espanyol.

Ibindi bisa n’ibi