Lionel Messi yahesheje intsinzi Barcelone, ikomeza kuyobora La Liga

Messi yatsinze ibitego 22 mu mikino 15 aheruka gukina muri shampiyona ya La Liga yo muri Espanye Uwufise ububasha kw’isanamu Getty Images
Image caption Messi yatsinze ibitego 22 mu mikino 15 aheruka gukina muri shampiyona ya La Liga yo muri Espanye

Lionel Messi yatsinze ibitego bibiri mu gice cya kabiri, birimo n'icy'umupira w'umuterekano yateye ajijishije umunyezamu, afasha Barcelone gutsinda Espanyol mu mukino w'amahari uhuza aya makipe yo mu mujyi umwe.

Barcelone ikomeje kuyobora urutonde rw'agateganyo rwa shampiyona ya La Liga yo muri Espanye n'ikinyuranyo cy'amanota 10 ku ikipe iyikurikiye, nyuma yo gutsinda Espanyol ibitego 2-0 muri uwo mukino wabaye ejo ku wa gatandatu.

Messi yatsinze ibitego 22 mu mikino 15 aheruka gukina muri shampiyona ya La Liga, akaba amaze no kurenza ibitego 40 mu mwaka umwe w'imikino ku nshuro ya 10 yikurikiranya.

Mu wundi mukino, Atletico Madrid iri ku mwanya wa kabiri by'agateganyo yanyagiye Alaves ibitego 4-0.

Ibindi bisa n’ibi