Rutahizamu wa Cote d'Ivore, Yaya Touré, yasezeye ku gukina umupira

Yaya Toure Uwufise ububasha kw’isanamu Getty Images
Image caption Gnégnéri Yaya Touré w'imyaka 35 ahagaritse guconga ruhago nk'umukinnyi ukomeye kuko yatwaye ibikombe byinshi

Yaya Touré, umukinnyi wo hagati wa Cote d'Ivoire wakiniye amakipe nka Monaco, FC Barcelona, Manchester City na Olympiacos yasezeye ku gukina umupira w'amaguru.

Dmytro Selyuk ushinzwe kumushakira akazi yemeje uyu munsi ko Yaya Touré yahagaritse gukina ariko adasezeye umupira w'amaguru kuko ahita yinjira mu butoza ndetse yabonye ibyangombwa.

Bwana Selyuk avuga ko mu ikipe yanyuma yakinnyemo Olympiacos yo mu Bugereki Touré yakinaga animenyereza gutoza.

Ati "Nyiri ikipe ya Olympiacos, aho Yaya yatangiriye ibyo gutoza, yari yaramwemereye ko azamuha amahirwe yo kuba umutoza wungirije".

Ntabwo byagenze bityo kuko yahavuye adahawe uwo mwanya ariko Selyuk avuga ko bitazabuza Yaya gukomereza mu byo gutoza umupira.

Gnégnéri Yaya Touré w'imyaka 35 ahagaritse guconga ruhago nk'umukinnyi ukomeye kuko yatwaye ibikombe bikurikira:

  • UEFA Champions League
  • Shampiyona y'Ubwongereza,
  • Shampiyona ya Espagne
  • Igikombe cya Africa
  • Igikombe cy'isi cy'amakipe
  • Igikombe cya FA
  • Igikombe cy'umwami mu Bwongereza
  • UEFA Super cup
  • Community Shield n'ibindi byinshi.

Ibindi kuri iyi nkuru