Valencia yasoje inzozi za Barcelone zo kwegukana ibikombe bibiri uyu mwaka

Lionel Messi yatsinze igitego cye cya 28 atsinze Valencia mu marushanwa yose - ariko nticyari gihagije ku kibuga Estadio Benito Villamarin Uwufise ububasha kw’isanamu Getty Images
Image caption Lionel Messi yatsinze igitego cye cya 28 atsinze Valencia mu marushanwa yose - ariko nticyari gihagije ku kibuga Estadio Benito Villamarin

Kevin Gameiro na Rodrigo ni bo batsinze ibitego bya Valencia ubwo yatsindaga Barcelone ifite igikombe cya shampiyona ya Espanye izwi nka La Liga, ikegukana igikombe cy'umwami cya Copa del Rey ku munsi w'ejo ku wa gatandatu.

Mbere y'uwo mukino, Barcelone y'umutoza Ernesto Valverde yari yavuze ko kwegukana icyo gikombe byajyaga kuyifasha kugabanya akababaro yatewe no gusezererwa na Liverpool mu mikino ya kimwe cya kabiri cya Champions League uyu mwaka.

Ariko, nanone, Barcelone ntiyaruseyeho ku kibuga Estadio Benito Villamarin cyo mu mujyi wa Seville.

Rutahizamu w'Umufaransa Gameiro ni we winjije igitego cya mbere cya Valencia ku ishoti ikomeye, mbere yuko Rodrigo ashyiramo icya kabiri n'umutwe.

Lionel Messi yaje kugarurira icyizere Barcelone ubwo yatsinda igitego ku ishoti ikomeye ku munota wa 73 w'umukino, ariko iyi kipe yakomeje kurushwa.

Uwufise ububasha kw’isanamu Getty Images
Image caption Kevin Gameiro yatsinze igitego cye cya kane mu mikino ine aheruka gukinira Valencia

Nyuma y'umukino, Josep Maria Bartomeu, Perezida w'ikipe ya Barcelone, yashyigikiye Valverde ngo akomeze gutoza iyi kipe.

Yagize ati: "Namye iteka mvuga ko Ernesto afite kontaro yo mu mwaka utaha w'imikino, ni umutoza".

"Sintekereza ko iyi ntsinzwi ari ikosa ry'umutoza".

Yongeyeho ati: "Iyo umutoza atsinzwe umukino, uba ushaka kongera...guhatana... Ndabizi gutsindwa muri iyi kipe ni ibintu biba bigoye kubyakira".

Intsinzi ya Valencia ivuze ko umutoza Marcelino Garcia Toral yashoboye gusoza imikino 20 yo mu marushanwa yose yari amaze adatsinda Barcelone.

Ibindi bisa n’ibi