Caster Semenya yatanze ikirego cy'ubujurire mu rukiko mu Busuwisi

Semenya aherutse gutsindwa urubanza ku igabanywa ry'imisemburo ya kigabo ya testosterone ku bagore Uwufise ububasha kw’isanamu EPA
Image caption Semenya aherutse gutsindwa urubanza ku igabanywa ry'imisemburo ya kigabo ya testosterone ku bagore

Caster Semenya ufite umuhigo w'amarushanwa ya Olempike mu gusiganwa metero 800, yatanze ikirego cy'ubujurire mu rukiko rw'ikirenga rwo mu Busuwisi nyuma yo gutsindwa mu rubanza yasabagamo ko ibipimo by'imisemburo ya kigabo ya testosterone bitagabanywa ku bagore.

Muri uku kwezi kwa gatanu, urukiko nkemurampaka mu mikino (CAS) rufite icyicaro i Lausanne mu Busuwisi, rwari rwatesheje agaciro ikirego cy'uyu Munya-Afurika y'epfo w'imyaka 28 y'amavuko, ku mategeko mashya yashyizweho n'impuzamashyirahamwe y'imikino ngororangingo ku isi (IAAF).

Semenya yagize ati: "Ndi umugore kandi usiganwa ku maguru ku rwego rw'isi".

"IAAF ntabwo izampa imiti cyangwa ngo imbuze kuba uwo ndi we".

Itangazo ryasohowe ku munsi w'ejo ku wa gatatu rivuga ko Semenya azasaba uru rukiko rw'ikirenga rwo mu Busuwisi "gushyira ku ruhande umwanzuro wa CAS uko wakabaye".

Ryongeraho ko ubu bujurire buzibanda ku "burenganzira bw'ibanze bw'ikiremwa-muntu".