Antonio Conte, wahoze atoza Chelsea, yagizwe umutoza wa Inter Milan

Antonio Conte yatsindiye igikombe cya FA cya 2018 atsinze Manchetser United, mu mukino we wa nyuma nk'umutoza wa Chelsea Uwufise ububasha kw’isanamu Getty Images
Image caption Antonio Conte yatsindiye igikombe cya FA cya 2018 atsinze Manchetser United, mu mukino we wa nyuma nk'umutoza wa Chelsea

Antonio Conte yagizwe umutoza wa Inter Milan, akaba asimbuye Luciano Spalletti uherutse kwirukanwa.

Conte w'imyaka 49 y'amavuko asubiye gutoza mu Butaliyani nyuma yo kwirukanwa na Chelsea mu mpera y'umwaka ushize w'imikino.

Yamaze imyaka ibiri atoza iyi kipe yo mu Bwongereza, aho yayifashije kwegukana igikombe cya shampiyona n'icya FA. Mbere yaho, yari yaratsindiye ibikombe bitatu bya shampiyona y'Ubutaliyani ya Serie A atoza Juventus.

Ku bw'umutoza Spalletti, Inter Milan yasoje iri ku mwanya wa kane muri shampiyona ndetse ibona itike yo gukina Champions League.

Uwufise ububasha kw’isanamu Getty Images

Conte, wahoze akina hagati mu ikipe ya Juventus n'iy'igihugu y'Ubutaliyani, yagize ati: "Intambwe nshya mu buzima bwanjye iratangiye, ndishimye cyane mu by'ukuri".

"Nahisemo Inter kubera icyo iyi kipe ari cyo, kubera ukuntu igira umuhate".

"Nashimishijwe n'ukuntu iyi kipe ikorera mu mucyo n'ugushaka kwayo ko gusubiza Inter ku rwego ikwiye kuba iriho".

Steven Zhang, Perezida wa Inter Milan, yavuze ko "azi neza ko Antonio Conte ari umwe mu batoza beza cyane" ku isi.

Yagize ati: "Nizeye ko azadufasha kugera ku ntego zacu no ku cyerecyezo cyacu, cyamye iteka ari kimwe: kongera kugira iyi kipe imwe mu zikomeye cyane ku isi".

Ibindi bisa n’ibi