Cameroun yatsinzwe mu irushyanwa ry'igikombe cy’isi cy’abagore

Claudine Meffometou yabonye uburyo bwo kwishyura ariko atera hanze Uwufise ububasha kw’isanamu Rex Features
Image caption Claudine Meffometou yabonye uburyo bwo kwishyura ariko atera hanze

Indi kipe ihagarariye Africa yari itegerejwe kujya mu kibuga mu ihiganwa ry'igikombe cy'isi cy'abagore ni Cameroun, yatsinzwe igitego kimwe ku busa na Canada.

Muri uyu mukino waberaga i Montpellier mu Bufaransa, igitego cya Canada cyatsinzwe na myugariro wayo Kadeisha Buchanan ku mupira wari uvuye muri koruneri.

Iki gitego kimwe cyabonetse mu gice cya mbere nicyo cyahaye intsinzi Canada kuko Cameroun itashoboye kukishyura nubwo hari amahirwe yabonye yo gutsinda ariko ntiyabyaze umusaruro.

Muri uyu mukino amaso yose yari kuri Christine Sinclair kapiteni wa Canada ubura ibitego bine ngo akore amateka nk'umukinnyi watsindiye ibitego byinshi ikipe y'igihugu, abagabo cyangwa abagore.

Sinclair ugiye uzagira imyaka 36 kuri uyu wa gatatu ntabwo yabishoboye kuri uyu mukino yagumye ku bitego 181 yatsindiye igihugu cye.

Uyu wari umukino wa mbere mu itsinda E, andi makipe yo muri iri tsinda Ubuholandi na New Zealand arahura kuri uyu wa kabiri saa kumi mu mujyi wa Le Havre.

Afurika y'Epfo na Nigeria, ibindi bihugu bihagarariye Africa muri iri rushanwa byatsinzwe imikino yabyo ya mbere mu matsinda birimo muri iki gikombe cy'isi cy'abagore.