Madagascar irakomeza inzozi zayo cyangwa Tunisia irayihigika?

Ikipe ya Madagascar Uwufise ububasha kw’isanamu Getty Images
Image caption Ikipe ya Madagascar mu byishimo ubwo yari imaze gutsinda Kongo kuri za penaliti

Ikipe ya 108 ku rutonde ngarukakwezi rwa FIFA ubu iri mu makipe umunani ahagaze neza muri Afurika nyuma yo gutungurana mu gikombe cya Afurika ihigika ibihangange, uyu munsi ikaba iri imbere y'urukiramende rurerure, Tunisia.

Madagascar yazamutse mu itsinda B ari iya mbere kandi ari ubwa mbere igiye muri iri rushanwa, igeze muri 1/16 isezerera Kongo Kinshasa ikomeza gutungurana.

Ibimasa bya Madagascar (Barea, nkuko ikipe y'iki gihugu yitwa) byerekanye umukino mwiza, ubwo byatsindaga Uburundi, Nigeria ndetse n'ibisamagwe bya Kongo.

Tunisia bihura none ntirigaragaza neza mu Misiri. Yanganyije imikino itatu mu itsinda E na Angola, Mali na Mauritania, muri 1/16 inganya na Ghana bakizwa na za penaliti mu mukino Black Stars yagombaga kuba yatsinze bigaragara.

Ibi bituma iyi kipe ya Les Aigles de Carthage itari guhabwa amahirwe menshi yo gutwara iki gikombe iheruka gutwara ubwo cyakinirwaga iwayo mu myaka 15 ishize, ubwo kandi u Rwanda ruherukayo.

Perezida wa Madagascar aherutse gutangaza ko igikombe cya Afurika cy'uyu mwaka ikipe yabo izakomeza gutungurana kugera ku mukino wa nyuma ikagitwara, ibi benshi bakaba barabyise inzozi.

Tunisia nubwo itarigaragaza kugeza ubu, ni ikipe ya kabiri ku rutonde rwa FIFA muri Afurika, ikaba iya 25 ku isi, naho Madagascar ni iya 25 kuri uru rutonde muri Afurika.

Itsinda hagati y'izi zombi, ku cyumweru muri 1/2 izahura na Sénégal yo yaraye isezereye Bénin.

Benshi baribaza niba Madagascar iza gukomeza inzozi zayo no gutungurana cyangwa iza guhigikwa na Tunisia. Ni saa mbili z'ijoro ku isaha yo mu Rwanda no mu Burundi.