Rayon Sports na AS Kigali zo mu Rwanda zananiwe gutsindira mu rugo mu mikino nyafurika

Michael Sarpong wa Rayon yishimira igitego we na bagenzi be Uwufise ububasha kw’isanamu Rayon Sports
Image caption Michael Sarpong wa Rayon yishimira igitego we na bagenzi be, nyuma y'iminota 6 Al Hilal yahise ikishyura

Mu mikino ibanza ya CAF Confederation Cup na CAF Champions League amakipe yo mu Rwanda muri iyi weekend yakiriye i Kigali amakipe yo mu mahanga ariko ayo mu Rwanda ntiyatsindiye mu rugo.

Ku wa gatandatu kuri stade ya Kigali i Nyamirambo, AS Kigali ni yo yabanje kwakira KMC FC yo muri Tanzania mu mikino ya CAF Confederation, amakipe yombi ntiyerekanye urwego rwo hejuru.

Umukino warangiye baguye miswi 0 - 0. AS Kigali y'umutoza Eric Nshimiyimana tariki ya 25/08/2019 izaba iri i Dar es Salaam kwisobanura na KMC FC mu mukino wo kwishyura.

Kuri iki cyumweru, abafana benshi ba Rayon Sports bari biteze ko isubira ibyo yakoze mu myaka 25 ishize (03/1994) ubwo yaherukaga guhura na Al Hilal yo muri Sudan i Kigali ikayitsinda 4 - 1.

Ntibyashobotse, nubwo ku munota 19 rutahizamu Michael Sarpong wa Rayon sports yatsinze ntibyatinze kuko ku munota wa 25 Nazar Hamid Nassar wa Al Hilal yahise akishyura.

Nta kindi gitego cyabonetse muri uyu mukino wari witabiriwe n'abantu benshi, bituma akazi gakomeye Rayon Sports isabwa kuzagakorera muri Sudani mu mukino wo kwishyura mu byumweru bibiri.

Imwe mu yindi mikino ya Champions Ligue yabaye:

  • African Stars 3 - 2 Kampala Capital City Authority FC
  • Kano Pillars FC 3 - 2 Asante Kotoko
  • Young Africans Sc 1 - 1 Township Rollers
  • Aigle Noir 0 - 0 Gor Mahia
  • Atlabara FC 0 - 4 Al Ahly

Imwe mu mikino yo muri Confederation Cup

  • Proline FC 3 - 0 Masters Security
  • Pyramids FC 4 - 1 Étoile du Congo
  • Fasil Kenema 1 - 0 Azam FC
  • Triangle FC 5 - 0 Rukinzo FC