Arsenal v Eintracht Frankfurt: Granit Xhaka ashobora kongera kugaruka

Granit Xhaka Uwufise ububasha kw’isanamu Getty Images
Image caption Unai Emery yaciye amarenga ko uwahoze ari kapiteni wa Arsenal Granit Xhaka ashobora gukina mu mukino ubahuza na Frankfurt

Granit Xhaka wahoze ari kapiteni wa Arsenal ashobora kongera guhamagarwa mu ikipe ku nshuro ya mbere mu mukino wa Europa League kuva mu kwezi kwa Cumi.

Arsenal irakina na Eintracht Frankfurt kuri uyu wa Kane.

Xhaka yakuwe ku mwanya wa kapiteni muri Arsenal nyuma y'uko agaragarije uburakari bukomeye amaze gusimbuzwa agakomerwa n'abafana ba Arsenal mu mukino banganyijemo na Crystal Palace 2-2.

Umutoza Unai Emery yagioze ati:

"Ndizera ko buri mufana ashyigikira ikipe.

Yongeyeho ati:

"Ukugaruka kwa Xhaka ni ingenzi kuri twe."

Xhaka w'ubwenegihugu bw'Ubusuwisi ntarongera gukinira Arsenal kuva yatuka abafana b'ikipe n'ubwo yakiniye Ubusuwisi mu kwezi kwa 11 mu irushanwa ry'amakipe y'ibnihugu mu Burayi mu gushaka itike y'imikino y'Uburayi.

Mu itabgazo Xhaka yasohoye, yavuze ko yari amaze "kurambirwa" no kubona amagambo atera ubwoba umuryango we aturutse mu bafana ndetse ko yanagiriwe inama na Arsenal.

Hagati aho, umutoza Unai Emery akomeje kuba ku gitutu cyo kuguma ku kazi mu gihe muri iki cyumweru amtsinda y'abafana yasabye ko "ibyemezo by'igigitaraganya" bifatwa ku ikipe yabo iri mu bihe bibi muri shampiyona y'Ubwongereza.

Emery ati:

"Nzi ko amwe mu makipe aza hano [Emirates] gukina natwe adafite ubwoba kandi tugomba gukomera kubera abafana bacu ariko rero tugomba kubanza kwiyunga nabo."

Ariko rero icyizere cyanjye ni uko umukino w'ejo [ku wa Kane] umufana wese afasha ikipe kubera ko turabakeneye."

Uwufise ububasha kw’isanamu Getty Images
Image caption Akazi ka Unai Emery nk'umutoza wa Arsenal kari mu mazi abira nyuma y'aho umutoza wa Wolves Nuno Espirito Santo ahwihwiswa kuba ashobora kumusimbura.

Nta gushidikanya ko Arsenal ikina idafite Dani Ceballos nyuma y'uko uyu mukinnyi wo hagati ari mu mvune. Hector Bellerin na Sead Kolasinac barasuzumwa mbere y'umukino mbere yo gukinishwa kubera ko nabo bari gukiruka imvune.

Arsenal iyoboye itsinda irimo rya F irahita ibona itike yo kujya muri 1/16 nibona inota rimwe. Bivuze ngo irasabwa kunganya gusa.

Standard Liege, indi kipe bari kumwe mu itsinda, iramutse itsinzwe na Vitoria Guimaraes, Arsenal yakomeza kabone n'ubwo yatsindirwa kuri stade Emirates.

Arsenal yatsinze Eintracht 3-0 mu mukino wa mbere wabahuje mu Budage. Ibitego byatsinzwe na Joe Willock, Bukayo Saka na Pierre-Emerick Aubameyang wasimbuye Xhaka ku mwanya wa kapiteni.

Uwufise ububasha kw’isanamu Getty Images
Image caption Shkodran Mustafi, ibumoso, amaze gukinira Arsenal inshuro 121 kuva yagurwa mu mwaka wa 2016

Iby'ingenzi ku mukino

Uko amakipe ahagaze

  • Intsinzi y'ibitego 3-0 mu kwezi kwa Cyenda yari inshuro ya mbere Arsenal ikinnye na Eintracht Frankfurt mu mukino w'irushanwa.

Arsenal

  • Arsenal iri gushaka kubona itike iva mu mikino y'amatsinda mu mikino y'Uburayi ku nshuro ya 20 yikurikiranyije.
  • Ntiratsinda mu kwezi kwa 11, mu mukino iheruka gutsindamo ikipe ya Vitoria Guimaraes 3-2 ku itariki ya 24 z'ukwezi kwa 10.
  • Arsenal yatsinzwe n'amakipe yo mu Budage mu mikino itandatu mu marushanwa y'uburayi, ni zo nshuro nyinshi yatsinzwe n'aya makipe ugereranyije n'ibindi bihugu.

Eintracht Frankfurt

  • Eintracht yatsinzwe inshuro ebyiri muri Europa League muri uyu mwaka, inshuro nyinshi ugereranyije n'indi mikino 18 bakinnye mbere muri iri rushanwa (batsinze 11, banganya 6 batsindwa 1).
  • The Germans have won just once in their six away games against English sides, when they beat Burnley 2-1 in the Fairs Cup in 1967.