Son Heung-min: Rutahizamu wa Tottenham azamara 'ibyumweru byinshi' adakina kubera imvune ku kuboko

Rutahizamu wa Tottenham Son Heung-min Uwufise ububasha kw’isanamu Getty Images
Image caption Son Heung-min yatsinze ibitego 16 mu mikino 32 amaze gukinira Tottenham kugeza ubu muri shampiyona

Rutahizamu wa Tottenham Son Heung-min azamara "ibyumweru byinshi" adakina nyuma yo kuvunika ukuboko mu mukino ikipe ye yatsinze Aston Villa 3-2 ku Cyumweru.

Son Heung, umunya Koreya y'Epfo w'imyaka 27 y'amavuko, azabagwa muri iki cyumweru.

Bisobanuye ko byanze bikunze atazakina mu mukino wa kimwe cy'umunani (1/8) cy'irushanwa ry'amakipe yabaye aya mbere iwayo mu Burayi bita Champions League, igihe ikipe ye Tottenham izaba ikina na RB Leipzig ku wa gatatu ndetse azanasiba umukono wa Chelsea muri shampiyona ku wa Gatandatu.

Tottenham kugeza ubu ikina nta rutahizamu wayo Harry Kane wavunikiye mu mukino wahuje ikipe ye na Southampton mu kwezi kwa mbere.

Son yatsindiye ikipe ye mu mikino itanu iheruka irimo n'ibitego bibiri yatsinze mu mukino wo ku Cyumweru wabahuje na Aston Villa.

Kuba atazagaragara bivuze ko umunya Brazil w'imyaka 27, Lucas Moura, Umuholandi Steven Bergwijn w'imyaka 22 waguzwe mu kwezi kwa mbere na Troy Parrott wo muri Repubulika ya Irlande w'imyaka 18 ari bo bakinnyi bonyine ba rutahizamu Tottenham isigaranye.