N'Golo Kante: Umukinnnyi wo hagati ashobora kuzasiba imikino y'ingezi kubera imvune

N'Golo Kante yasimbuwe na Mason Mount mu minota ya mbere y'umukino Manchester United yabatsinzemo Uwufise ububasha kw’isanamu Rex Features
Image caption N'Golo Kante yasimbuwe na Mason Mount mu minota ya mbere y'umukino Manchester United yabatsinzemo

Umutoza w'ikipe ya Chelsea, Frank Lampard avuga ko N'Golo Kante ashobora kumara ibyumweru bitatu adakina kubera imvune.

N'Golo Kante ukina hagati watsindiye igikombe cy'isi akinira ikipe y'igihugu cye cy'Ubufansa yavunikiye mu mukino Chelsea yatsinzwemo na Manchester United 2-0 ku wa Mbere w'icyumweru gishize.

Iyi mvune ni inkuru mbi cyane kuri Chelsea ifite imikino itandatu ya shampiyona n'iy'ibikombe by'andi marushanwa mu byumweru bitatu.

Lampard yagize ati: " afite imvune ku bizigira, isa n'iyo yagize mu mukino wa Arsenal,"

Imvune ya Kante ije mu bihe bikomeye bya shampiyona ku ikipe ye ya Chelsea.

Chelsea izakina na Bayern Munich muri kimwe cya munani (1/8) ku wa kabiri w'icyumweru gitaha mbere y'umukino wo kwishyura uzaba mu minsi 10 mu kwezi kwa Gatatu.

Chelsea iri ku mwanya wa kane muri shampiyona y'Ubwongereza, Premier League, ariko itaratsinda mu mikino ine iheruka, izakira Tottenham mu mukino ukomeye uzaba ku wa gatandatu (12:30 ku isaha mpuzamasaha ya GMT).

Nyuma, bazakurikizaho Liverpool mu irushanwa ry'igikombe cya FA ku itariki ya gatatu z'ukwezi kwa gatatu (3/3/2020). Nyuma y'uyu mukino, Chelsea izahita ijya i Bournemouth, ikurikizeho Everton.

Kante watsindiye igikombe cya shampiyona akinira Leicester City muri 2016 akongera kugitsindira akinira Chelsea mu mwaka wakurikiyeho wa 2017, amaze igihe afite ibibazo by'imvune muri uyu mwaka w'imikino kandi yatangiye imikino 16 gusa muri 26 Chelsea imaze gukina muri shampiyona.

Ibindi bisa n’ibi