Gareth Bale arashakwa n'amakipe menshi

Gareth Bale
Image caption Umukinnyi w'ikipe ya Tottenham, Gareth Bale

Gareth Bale, umukinnyi ukiri muto wa Totenham ubu arashakishwa n'amakipe y'ibihangange ku isi yifuza kumwegukana.

Nyuma yo kuzengereza Inter Milan mu mukino w'igikombe cy' Uburayi kuri uyu wa kabiri, Real Madrid, FC Barcelone , Manchester United na Inter Milan zose ngo zirashakisha uyu musore w'imyaka 21.

Muri uyu mukino Totenham yatsinze 3-1, nta gitego na kimwe cyinjiye uyu Bale atakigizemo uruhare.

Biravugwa ko amwe mu makipe yaba yiteguye kurekura akayabo ka Miliyoni zigera kuri 50 zama pounds .

Umutoza wa Manchester United Sir Alex Ferguson yakomeje kugaragaraza ko yashimishwa no kugura uyu musore kugira ngo abone umusimbura w'igihe kirambye wa Paul Scholes ugeze mu gihe cyo gucyura igihe .

Gusa Totenham igeze bwa mbere mu mikino y'igikombe cy'U Burayi ngo ntishobora kwikuraho uyu mukinnyi uyifatiye runini.

Harry Rednapp utoza iyi kipe avuga ko adashobora kumutanga uko byagenda kose.

Kuri ubu Totenham ni yo iyoboye itsinda A imbere ya Inter Milan ifite igikombe giheruka