Uburusiya buzakira irushanwa ry'umupira w'amaguru muri 2018

FIFA
Image caption Uburusiya buzakira amarushanwa ya 2018

Ishyirahamwe ry'umupira w'amaguru ku isi FIFA ryahaye Ubusiya amahirwe yo kwakira irushanwa ry'igikombe cy'isi cy'umupira w'amaguru mu 2018.

Nyuma y'iminota mike FIFA ibitangaje, ministiri w'intebe w'Uburusiya, Vladimir Putin, yamenyesheje ko agiye i Zurich muri Swisse gushimira FIFA.

Putin yavuze ko icyemezo cya FIFA kigaragaza ko Uburusiya bufitiwe icyizere; yavuze ariko ko hari byinshi bigikenewe gukorwa birimo kubaka ibibuga by'imikino, ibibuga by'indege, amahoteli n'imihanda.

Ubwongereza bwari bwiteze ko ari bwo buzahabwa ayo mahirwe, bukaba bwari bwahagarariwe na ministiri w'intebe hamwe n'ibindi bihangange b'Ubwongereza mu mikino.

Igihu cya Qatar nicyo cyahawe kwakira igikombe cy'isi cyo mu 2022.