Beshe umuhiho ku isoko ry'abakinnyi mu Bwongereza

Fernando Torres Uwufise ububasha kw’isanamu Reuters
Image caption Fernando Torres

Fernando Torres ni we mukinnyi ubaye uwa mbere uguzwe n’ikipe yo mu Bwongereza ku kayabo kagera kuri Miliyoni mirongwitanu z'ama pound.

Uyu musore w’imyaka 26 akomoka mu gihugu cya Espagne akaba yari yageze muri Liverpool avuye muri Athletico Madrid aguzwe Miliyoni 20 ₤.

Chelsea yesheje umuhigo w’U Bwongereza yasinyishije uyu musore kuyikinira mu gihe cy’imyaka itanu n’igice.

Undi mukinnyi wamaze kugera muri Chelsea ni David Luis wakiniraga Benfica yo muri Portugal we wasinye hishyuwe miliyoni 21.3₤.

Ikipe ya Liverpool nayo yesheje umuhigo igura umukinnyi Andy Carrol ku kayabo ka miliyoni 35 ₤, mu mateka y’iyi kipe akaba nta bundi yigeze igura umukinnyi ku kayabo nk’aka.

Yakiniraga ikipe ya Newcastle United yo mu cyiciro cya mbere mu Bwongereza.

Liverpool yaguze kandi na Louis Suarez wakiniraga Ajax yo mu Buholandi yatanzeho miliyoni 22.7₤

Muri rusange Chelsea na Liverpool zatanze Miliyoni 129 ₤ ku bakinnyi 4 gusa.

Kugeza ubu umukinnyi umaze kugurwa menshi mu mateka y’umupira w’amaguru ni Christiano Ronaldo wavuye muri Manchester United mu mwaka wa 2009 aguzwe na Real Madrid hatanzwe Miliyoni 80₤.

Abandi ni Zlatan Ibrahimovic wavuye muri Inter Milan mu mwaka wa 2009 agiye muri FC Barcelone yamuguze miliyoni 56.5₤.

Kaka yavuye muri AC Milan mu mwaka wa 2009 aguzwe na Real Madrid kuri miliyoni 56₤.