Birmingham City yegukanye igikombe cya Carling

Abakinnyi ba Birmingham City (bambaye ubururu n'umweru)
Image caption Abakinnyi ba Birmingham City (bambaye ubururu n'umweru) bamaze gutsinda Arsenal.

Ikipe ya Birmingham City niyo yegukanye igikombe kitwa Carling cup mu Bwongereza nyuma yo gutsinda ikipe ya Arsenal ibitego 2-1 mu mukino wa nyuma wabereye ku kibuga cya Wembley mu mujyi wa Londres ku cyumweru tariki ya 27/02/2011.

Birmingham City niyo yabanje gufungura izamu ku gitego kinjijwe na Nikola Zigic; naho igitego cya Arsenal gitsindwa na Robin Van Persie.

Igitego cya 2 cya Birmingham City cyatsinzwe mu minota ya nyuma y’umukino na Ofabemi Martins nyuma y’ikosa ry’abakinnyi b’inyuma b’ikipe ya Arsenal.

Hashize imyaka 6 ikipe ya Arsenal itari yatsindira igikombe na kimwe gikomeye.

Ikipe ya Birmingham City yo yaherukaga gutsindira igikombe gikomeye muri 1963.