Jose Mourinho yahagaritswe imikino ibiri

Jose Mourinho Uwufise ububasha kw’isanamu 1
Image caption Jose Mourinho

Umutoza wa Real Madrid, Jose Mourinho, yahanishijwe igihano cyo kudakurikiranira iruhande kw'ikibuga imikino ibiri izakinwa n'ikipe ye.

Iki gihano yagihawe kubera gukoza urutoki mu ijisho ry'umutoza wungirije w'ikipe ya Barcelona.

Ishyirahamwe ry'umupira w'amaguru muri Espagne ryatanze iki gihano rivuga ko ibyo byabaye umukino wahuje Real Madrid na Barcelona bakinira igikombe bita Supercopa uri hafi kurangira.

Ku rundi ruhande, umutoza wungirije wa Barcelona, Tito Vilanova, we yahanishijwe kutazakurikirana umukino umwe kubera gukubita urushyi Jose Mourinho igihe bari bahanganye.

Abakinnyi batatu bahawe ikarita itukura bavanwa mu kibuga muri uwo mukino wabaye ku itariki ya 17/08/11 ugatsindwa na Barcelona 3-2.

Nyuma Jose Mourinho yasohowe ibaruwa asaba imbabazi abafana ba Real Madrid kubera imyitwarire ye.