Tevez ashobora kurega Roberto Mancini

Carlos Tevez Uwufise ububasha kw’isanamu Reuters
Image caption Umukinnyi wa Manchester City, Carlos Tevez

Hari amakuru atangazwa n'abari ku ruhande rwa Carlos Tevez avuga ko uyu mukinnyi wa Manchester City ashobora kurega umutoza Roberto Mancini kubera kumusebya ku birebana n'imyitwarire ye.

Ku wa kabiri, ikipe ya Manchester City yafatiye igihano uyu mukinnyi cyo kwishyura ihazabu ingana na miliyoni imwe y'amafaranga akoreshwa mu Bwongereza kubera ko yishe amasezerano y'akazi inshuro eshanu zose mu mukino wahuje ikipe ye na Bayern Munich.

Iperereza ryakozwe na Manchester City ryasanze Tevez yaranze gukina muri uwo mukino.

Carlos Tevez amaze kugirwa inama ko amagambo yavuzwe n'umutoza nyuma y'uwo mukino kuri icyo kibazo ashobora gufatwa nko gusebanya.

Umuvugizi wa Manchester City yabwiye BBC ko ntacyo ikipe ishobora kubivugaho ariko yongeraho ko nyiri ikipe n'umuyobozi wayo mukuru bashyigikiye ijana ku ijana umutoza Roberto Mancini.

Carlos Tevez, ubu ufite iminsi 14 yo kujuririra icyo cyemezo, akomeje kuvuga ko atigeze asabwa na rimwe kwinjira mu kibuga asimbura muri uwo mukino wabereye mu Budage mu kwezi kwa cyenda.