Luis Suarez arateganya kujurira

Luis Suarez (umutuku) na Patrice Evra (ubururu) Uwufise ububasha kw’isanamu Reuters
Image caption Luis Suarez (umutuku) na Patrice Evra (ubururu)

Umukinnyi wa Liverpool, Luis Suarez, azajuririra icyemezo cy'ishyirahamwe ry'umupira w'amaguru mu Bwongereza cyo kumubuza gukina imikino 8 kubera imvugo y'ivanguramoko ku mukinnyi wa Manchester United, Patrice Evra.

Itangazo ry'ikipe ya Liverpool rivuga ko yatangajwe no kuba umukinyi wayo yahamwe n'icyaha kubera imvugo y'umuntu umwe, Patrice Evra.

Bavuga ko batekereza ko icyo kirego kidafite agaciro kandi ko Suarez atari umuntu urangwa n'ivanguramoko, bagashimangira ko sekuru ndetse n'inshuti ze ari abirabura.

Umutoza wa Liverpool Kenny Dalglish yagaragaje ko amushigikiye, akavuga ko batagomba kumutererana kandi ko byamubabaje.

Naho umukinyi Luis Suarez yatangaje ko uyu ari umunsi mubi kuri we n'umuryango we.

Itangazo ry'ikipe ya Liverpool riravuga kandi ko byabagaragariye nkaho ishyirahamwe ry'umupira w'amaguru mu Bwongereza ryari ryiyemeje kumushinja na mbere yuko bahata ibibazo umukinyi wabo, bo bemeza ko we ari umwere, ndetse ko bazamushigikira byimazeyo.