Qatar ntishaka ko imikino ya 2022 yajya ahandi

Igishushanyo mbonera cya sitade izubakwa muri  Qatar
Image caption Igishushanyo mbonera cya sitade izubakwa muri Qatar

Hassan al-Thawadi ukuriye abashinzwe gutunganya imikino ya nyuma y'irushanwa ry'igikombe cy'isi cy'umupira w'amaguru izabera mu gihugu cya Qatar muri 2022 aramagana abasaba ko iyo mikino yakinirwa mu kindi gihugu.

Ishyirahamwe ry'umupira w'amaguru ku isi - FIFA - byitezwe ko hari amahinduka izakora ku buryo iyo mikino yaba mu gihe cy'ubukonje kugirango idakinwa mu gihe cy'izuba rikabije (iki) aho muri Qatar haba hari ubushyuhe burenze urugero.

Umukuru wa FIFA, Sepp Blatter yiyemeje guhindura iyo mikino igakinwa mu gihe cy'ubukonje (winter) kuko mu ki ibipimo cy'ubushyuhe gishobora kugera kuri 50C muri Qatar.

Umukuru w'ishyirahamwe ry'umupira w'amaguru mu Bwongerereza, Greg Dyke, yavuze ko iyo mikino ishobora gukinirwa mu kindi gihugu niba hatumvikanywe ku igihe kibereye bose iyo mikino yaberamo.

Ariko rero Hassan al-Thawadi yavuze ashimitse ko nta mpamvu nimwe yagombye gutuma Qatar itakira iyo mikino yo muri 2022 nkuko byateganijwe.