Senegal yahamagaje Cisse

Cisse

Senegal yongeye guhamagaza rutahizamu wayo Papiss Cisse mu mukino wo guhatanira umwanya wo kujya mu mikino ya nyuma y'igikombe cy'isi izabera muri Brazil umwaka utaha.

Senegal yahamagaje Cisse (ukina mu murwi wo mu Bwonereza wa Newcastle) mu mukino uzabahuza na Cote d'Ivoire i Abidjan, kw'itariki 12 z'uku kwezi kwa 10 mu 2013 ariko ntabwo yahamagaje Demba Ba ukina mu wundi murwi wo mu Bwongereza wa Chelsea.

Senegal kandi ntizaba ifite Mame Birame Diouf ukina muri Hanover yo mu Budage kuko yavuzenitse. Umukino wa mbere Senegal yari yawukinye na Cote d'Ivoire i Dakar mu kwezi kwa 12 k'umwaka ushize, ariko uhagarikwa hashize iminota 15 utangiye kubera imvururu zatewe n'abafana. Icyo gihe Senegal yahise ihagarikwa ndetse ibuzwa kuzongera gukinira ku kibuga cyayo mu gihe cy'umwaka umwe.

Ibyo bivuze rero ko umukino wo kwishyura uzaba kw'itariki 16 z'ukwa 11 mu 2013 uzabera i Casablanca muri Maroc. Uzatsinda muri iyo mikino yombi azaserukira umugabane w'Afrika mu mikino ya nyuma yo guhatanira igikombe cy'isi kizabera muri Brazil umwaka utaha.