Hodgson afitiye ikizere Joe Hart

Umuzamu Joe Hart
Image caption Umuzamu Joe Hart

Umutoza w'ikipe y'igihugu y'Ubwongereza Roy Hodgson yavuze ko afitiye ikizere cyuzuye umuzamu wa Manchester City, Joe Hart.

Imikinire y'uyu muzamu yanenzwe cyane mu mukino w'igikombe cy'Uburayi wabaye ku wa gatatu ikipe ya Manchester City igatsindwa ibitego 3-1 na Bayern Munich.

Hodgson yabwiye abanyamakuru ko Joe Hart akiri umuzamu we wa mbere kandi ko atigeze amutenguha.

Hart, umaze gukinira igihugu cye cy'Ubwongereza inshuro 35 kandi nta gitego cyamuciyeho mu mikino ibiri ishize Ubwongereza bwakinnye - niwe nyirabayazana w'ibitego byose Bayern Munich yatsinze Manchester City mu mukino wo ku wa gatatu.

Ku buryo butunguranye ntiyabashije guhagarika imipira ya Franck Ribery na Arjen Robben bo muri Bayern Munich.

.