Umutoza wa Costa do Sol yirukanywe muri Mozambique

Diamantino Miranda
Image caption Uwari umutoza wa Costa do Sol yo muri Mozambique

Abategetsi ba Mozambique birukanye umunyaPortugal watozaga umurwi w'umupira w'amaguru ngo kuko yatutse igihugu.

Diamantino Miranda, watozaga umurwi wa Costa do Sol wo mu murwa mukuru wa Maputo yafashwe amajwi avuga ko abanyamozambike ari abajura igihe yaramaze kwamagana icyemezo cy'umusifuzi.

Yasabwe ko agomba kuba yavuye mu gihugu ejo kuwa gatandatu.

Mu kiganiro yahaye abanyamakuru wuzuye amarira mw'ijwi, bwana Miranda yasabye imbabazi avuga ko ashyize abanyamozambike ku mutima we.

Costa do Sol n'umwe mu mirwi ikomeye muri icyo gihugu.