OCI iranenga imyiteguro ya Rio 2016

Uwufise ububasha kw’isanamu Reuters
Image caption Imyiteguro ya Rio 2016 ikomeje gutera impungenge

Umwe mu bayobozi bakuru b'ishyirahamwe mpuzamahanga ry'imikino ya Olimpik - OCI - yavuze ko imyiteguro y’imikino izabera mu mujyi wa Rio de Janeiro muri Bresil muri 2016 ariyo mibi kurusha indi yose kuva iyo mikino yabaho.

Visi perezida wa OCI, John Coates, yabwiye inama ya Olimpiki ibera muri Australiya ko ubwubatsi buri inyuma y'igihe cyari cyarateganijwe, yavuze ko hari aho bataratangira kubaka ibibuga.

Ariko yongeyeho ko nta wundi mugambi uhari wo gushaka uwasimbura Bresil.

Bwana Coates yavuze ko ako OCI yatangiye ibikorwa byo kwihutisha iyo myiteguro.

Ibikorwa byo gutegura iyo mikino byakomeje kudindizwa n’izamuka ry’ibiciro no kudahererekana amakuru hagati y'ubutegetsi bwa Bresil n'abategura iyo mikino.