Blatter yahaswe ibibazo

Uwufise ububasha kw’isanamu AFP
Image caption Sepp Blatter ahura n'abayobozi b'amashyirahamwe y'umupira w'amaguru

Abayobozi b'amashyirahamwe y'umupira w'amaguru mu Burayi bahase umukuru wa FIFA, Sepp Blatter, ibibazo bijyanye n'umwanya afite wo kuyobora iryo shyirahamwe.

Ibi byabereye Sao Paulo, umujyi uzafungura irushanwa ry'umupira w'amaguru kuwa kane, mu mukino hagati ya Bresil na Croatie.

Umukuru w'ishyirahamwe ryo mu Buholandi, Michael Van Praag, yavuze ko FIFA yitiriwe ibirego bya ruswa kuva aho Blatter ayibereye umuyobozi.

Bwana van Praag yavuzeko icyo gisebo adashobora kugihanagura igihe cyose ataregura ku mabanga ye.

Naho Greg Dyke, ukuriye ishyirahamwe rya hano mu Bwongereza, we yaneguye ibyo Blatter yavuze ko, ibyavuzwe n'itangazamakuru ryo mu Bwongereza, byerekeranye na ruswa yatanzwe mu guha umwanya igihugu cya Qatar, mu kwakira imikino ya nyuma y'igikombe cy'isi mu 2022, ari ivangura ry'amoko.

Biteganijwe ko bwana Blatter azatangaza ko azongera kwiyamamaza ku nshuro ya 5 kuyobora ishyirahamwe rya FIFA.