Suarez yatakaje umwe umutera inkunga

Uwufise ububasha kw’isanamu Getty
Image caption 888poker yahagaritse imibanire na Luis Suarez

Ikigo kimwe mu bitera inkunga Luis Suarez cyahagaritse imibanire nyuma y'aho yahawe ibihano kubera kuruma undi mukinnyi mu mukino w'igikombe cy'isi cy’umupira w’amaguru kiri gukinirwa muri Brazil.

Iki kigo gikinisha urusimbi, 888poker, cyafashe icyo cyemezo nyuma y'aho ishyirahamwe ry'umupira w'amaguru ku isi - FIFA - rihagaritse Suarez, ukomoka muri Uruguay, gukina imikino 9 mpuzamahanga.

Uyu mukinnyi ukomoka muri Uruguay kandi yanahanwe no kudakoza ikirenge mu kibuga mu marushanwa y'umupira w'amaguru aho ari hose mu gihe cy'amezi 4 kubera amahano yakoreye mu mukino Uruguay yakinagamo n'Ubutaliyani.

Iki cyemezo cya FIFA cyarakaje abantu benshi muri Uruguay.

Perezida w'igihugu, José Mujica, yavuze ko hafatwa amategeko atandukanye ku bihugu bito mu mikino y'umupira w'amaguru.