Alex Song yasezeye mu ikipe ya Cameroon

Alex Song yirukanwe mu kibuga mu mikino y'igikombe cy'isi Uwufise ububasha kw’isanamu AFP
Image caption Alex Song yirukanwe mu kibuga mu mikino y'igikombe cy'isi.

Alex Song yasezeye mu ikipe y'igihugu cya Cameroon nyuma yaho adatoranyijwe mu bakinnyi bazakina mu irushanwa ry'igikombe cya Afurika.

Uyu mukinnyi wo hagati, ikipe ya West Ham yo mu Bwongereza yamutijwe n'ikipe ya Barcelona.

Nyuma yaho ibiganiro n'abayobozi b'ikipe ya Cameroon ku kuntu bamukinisha bitagize icyo bigeraho, Song yavuze ko agiye noneho kwitangira ikipe ya West Ham.

Yongeyeho ariko ati: "Urukundo nkunda igihugu cyanjye ntabwo ruzigera ruhinduka".

Uyu mukinnyi w'imyaka 27 ntabwo yongeye gukinira igihugu cye nyuma yaho aherewe ikarita y'umutuku mu mukino Cameroon yakinnye na Croatia mu irushanwa ry'igikombe cy'isi ryabereye umwaka ushize muri Bresil.

Ikipe ya West Ham yari yagize impungenge ko igiye kumubura mu minsi iri imbere nyuma yaho afatiye indege akajya muri Cameroon kuganira n'abayobozi b'ishyirahamwe ry'umupira w'amaguru ku kazaza ke mu ikipe y'igihugu n'ukuntu yakina mu irushanwa ry'igikombe cya Afurika rizatangira ku itariki ya 17 za kuno kwezi muri Guinnee Equatoriale.

.