Kolo Toure ntazongera gukinira Cote d'ivoire

Kolo Toure yatangiye gukinira Cote d'ivoire muri 2000 Uwufise ububasha kw’isanamu Getty
Image caption Kolo Toure yatangiye gukinira Cote d'ivoire muri 2000.

Umukinnyi w'inyuma y'ikipe ya Liverpool, Kolo Toure, yasezeye mu ikipe y'igihugu cye cya Cote d'ivoire nyuma y'icyumweru kimwe yegukanye igikombe cya Afurika cy'ibihugu.

Uyu mukinnyi w'imyaka 33 yari yaravuze ko irushanwa ry'igikombe cy'ibihugu riheruka kubera muri Guinee Equatoriale ariryo rya nyuma azakiniramo igihugu cye.

Toure yatangiye gukinira Cote d'ivoire bwa mbere mu mukino wayihuje n'Urwanda muri 2000.

Mu irushanwa ry'igikombe cya Afurika ry'ibihugu riheruka yakinnye imikino 6 yose yagejeje ikipe ya Cote d'ivoire ku gikombe imaze gutsinda Ghana kuri penaliti 9-8.

Kolo Toure yatangiriye mu ikipe ya ASEC Momosas y'i Abidjan mbere yo kujya mu ikipe ya Arsenal muri 2002 aho yari mu bakinnyi barangije shampiyona yose ikipe yabo idatsinzwe na rimwe muri 2003-2004.

Muri 2009 yaguzwe na Manchester City, naho mu mwaka ushize nibwo yinjiye mu ikipe ya Liverpool.