Tom Saintfiet niwe ugiye gutoza Togo

Tom Saintfiet yigeze gutoza Ethiopia, Namibia na Malawi. Uwufise ububasha kw’isanamu getty
Image caption Tom Saintfiet yigeze gutoza Ethiopia, Namibia na Malawi.

Umubirigi Tom Saintfiet niwe ugiye gutoza ikipe y'igihugu y'umupira w'amaguru ya Togo guhera mu kwezi gutaha.

Arateganya gusinya amasezerano y'imyaka ibiri ku itariki ya 1 z'ukwezi gutaha hasigaye icyumweru kimwe gusa ngo ikipe ya Togo ikine na Ghana mu mukino wa gicuti.

Nyuma yaho Togo izatangira imikino yo guhatanira itike yo gukina imikino ya nyuma y'igikombe cya Afurika cyo muri 2017.

Umukino wa mbere ikaba izawukina n'ikipe y'igihugu cya Liberia iwayo ku itariki ya 13 z'ukwezi kwa gatandatu.

Tom Saintfiet yabaye atangaje ikipe igizwe n'abakinnyi 30 bazakorana barimo na rutaha izamu Emmanuel Adebayor.

Saintfiet yigize gutoza amakipe y'ibihugu ya Ethiopia, Namibia na Malawi.

Azafashwa muri uwo murimo na Abalo Dosseh wahoze ari kapiteni w'ikipe ya Togo.

Ikipe ya Togo yari imaze umwaka itagira umutoza.