Figo ntagihataniye ubuyobozi bwa FIFA

Sepp Blatter arahabwa amahirwe menshi yo kongera gutorwa. Uwufise ububasha kw’isanamu Getty
Image caption Sepp Blatter arahabwa amahirwe menshi yo kongera gutorwa.

Luis Figo yaje akurikira Michael van Praag mu kwivana mu bifuza guhatanira kuyobora ishyirahamwe ry'umupira w'amaguru ku isi - FIFA mu matora ateganijwe ku itariki ya 29 z'ukwa gatanu.

Figo - wahoze ari umukinnyi wo hagati w'ikipe y'umupira w'amaguru ya Portugal ubu akaba afite imyaka 42 - we n'umukuru w'ishyirahamwe ry'umupira w'amaguru mu Buholandi, Van Praag w'imyaka 67, bafatiye icyo cyemezo umunsi mwe.

Byatumye rero hasigara gusa igikomangoma Ali Bin Al-Hussein cyo muri Yorudaniya mu guhangana na Sepp Blatter ku buyobozi bwa FIFA.

Blatter niwe uhabwa amahirwe menshi yo gutorerwa kuyobora FIFA ku nshuro ya gatanu.

Yatorewe uwo mwanya bwa mbere muri 1998.

Luis Figo yanenze icyo yasobanuye nk'inzira y'amatora irimo uburyarya.