Tennis: Irushanwa ry'i Paris mu mikino ya nyuma

Serena Williams Uwufise ububasha kw’isanamu AP
Image caption Serena Williams

Imikino y'irushanwa rya French Open ribera i Paris mu Bufaransa igeze muri kimwe cya kabiri mu bagabo no ku mukino wa nyuma mu bagore.

Umwongereza Andy Murray aritegura guhura n'umuSerbe Novak Djokovic ejo kuwa gatanu.

Murray akavuga ko afite icyizere cyo gusiba amateka ku mikino yagiye imuhuza na Djokovic kuko myinshi yayitsinzwe.

Uyu mwongereza kandi amaze gukina imikino 15 yose adatsindwa ku kibuga cy'ubutaka muri uyu mwaka, ariko mu mikino 7 amaze gukina na Djokovic yose yarayitsinzwe.

Djokovic, ubu ufite umwanya wa mbere kw'isi, yatsinze umunyaespagne Rafael Nadal, we amaze kugira imikino 27 yose adatsindwa.

Mu wundi mukino umufaransa J W Tsonga watsinze umuyapani K Nishikori amaseti 3-2, azakina n'umusuwisi S Wawrinka yakuyemo mugenzi w'umusuwisi R Federer amaze kumutsinda amaseti 3-0.

Naho mu bakobwa Lucie Safarova wo muri Czech yatsinze umuSerbekazi Ana Ivanovic ku maseti 2-1.

Akazahura n'umunyamerikakazi Serena Williams kuri uyu wa gatandatu.

Serena Williams yageze ku mukino wanyuma atameze neza mu mubiri.