Liverpool yaguze Roberto Firmino

Firmino niwe mukinnyi wa kabiri uhenze Liverpool. Uwufise ububasha kw’isanamu Reuters
Image caption Firmino niwe mukinnyi wa kabiri uhenze Liverpool.

Ikipe ya Liverpool yaguze umukinnyi w'imbere Roberto Firmino wo muri Hoffenheim miliyoni £29 z'amapawundi (akoreshwa mu Bwongereza) ku masezerano y'imyaka 5.

Uyu mukinnyi w'imyaka 23 agomba ariko kubanza gusuzumwa n'abaganga.

Bizakorwa avuye muri Chile aho arimo gukinira ikipe ya Bresil mu gikombe cya Copa America.

Firmino - watsinze ibitego 47 mu mikino 147 yakiniye Hoffenheim - niwe mukinnyi wa kabiri Liverpool itanzeho amafaranga menshi.

Uwahenze cyane Liverpool ni Andy Caroll muri 2011 kuko yamutanzeho amafaranga angana na miliyoni £35 z'amapawundi avuye muri Newcastle.

Roberto Firmino amaze imyaka ine n'igice muri shampiyona y'Ubudage - Bundesliga.