Juventus: Paul Pogba ntagurishwa

Uwufise ububasha kw’isanamu AFP
Image caption Paul Pogba, ukinira ikipe ya Juventus

Juventus itsindagira ko umukinnyi, Paul Pogba, ukina hagati atagurishwa, n’ubwo Barcelona yamugeretse.

Joan Laporta, yavuze ko natorwa kuba perezida wa Barcelona, azagura uyu mukinnyi w’imyaka 22, unavugwa ko ashakwa na Manchester City ndetse na Chelsea.

Umuyobozi wa Juve, Giuseppe Marotta, yagize ati : “Umukeneye wese agomba kuvugana natwe, aho kuba Mino Raiola, umuhagarariye”.

“Barca ntiyemerewe gusinyisha umukinnyi kandi Juve ntigurisha”.

Pogba, ukinira ikipe y’igihugu y’u Bufaransa, wahoze ari umukinnyi wa Manchester United, afitanye amasezerano na Juve azageza mu kwezi kwa gatandatu 2019.

Iyi kipe yo mu Butaliyani yanze igiciro cya Barca mu ntangiriro z’uku kwezi, nyuma y’uko Barca yatwaye igikombe cya Champions League yohereje abayihagarariye mu biganiro, bayobowe n’umuyobozi w’imikino, Ariedo Braida.

Marotta yagize ati “Twaganiriye na Barca mu mezi ya vuba ashize."

"Twabikoze mu buryo buboneye kandi nyabwo nk’uko byagombye kuba hagati y’amakipe abiri afite amateka n’agaciro mu mupira w’amaguru ku isi”.