8 bafashwe Ahly imaze gutsinda Zamalek

Zamalek yatsinzwe na Al Ahly ibitego 2-0 Uwufise ububasha kw’isanamu Getty
Image caption Zamalek yatsinzwe na Al Ahly ibitego 2-0

Kuwa kabiri nimugoroba abantu 8 batawe muri yombi nyuma yo kugerageza kugaba igitero ku biro bikuru by'ikipe ya Zamalek biri i Cairo.

Ibi byabaye Zamalek imaze gutsindwa 2-0 na mukeba wayo Al Ahly mu mukino wakinnywe nta bafana bari muri sitade ukabera mu mujyi wa Alexandria.

Zamalek yari ikeneye gusa kunganya kugirango yegukane igikombe cya shampiyona ku nshuro ya mbere guhera muri 2004.

Iracyafite ariko amahirwe yo gutsinda shampiyona niramuka byibura inganyije mu mikino ibiri ishigaje gukina.

Ibiro ntaramakuru bya leta MENA bivuga ko aho ku biro bya Zamalek hari abafana bayo bakozanyijeho n'aba Ahly mu gihe abashinzwe umutekano batabaraga maze bagata muri yombi umunani muribo.

Mu kwezi kwa kabiri abafana 22 baguye mu bikorwa byo gukozanyaho n'igipolisi muri sitade iri i Cairo.