Abanyakenya 2 bapimwe gukoresha imiti itemewe

Uwufise ububasha kw’isanamu Reuters
Image caption Joyce Zakary ni umwe mu bakinnyikazi ba Kenya basiganwa, wahagaritswe

Abanyakenyakazi 2 biruka bahagaritswe kubera ikoresha ry'imiti itemewe mu irushanwa rya World Championships i Beijing, byatangajwe n’Ihuriro Mpuzamahanga Mpuzamashyirahamwe ry’imikino ngororangingo.

Joyce Zakary w’imyaka 29 na Koki Manunga w’imyaka 21 bemeye ihagarikwa ry’agateganyo nyuma yo gupimwa n’urwego rubishinzwe.

Aba bakinnyi babiri basiganwe muri metero 400 bapimwe ku itariki ya 20 na 21 bari kuri hoteli ikipe yabo icumbitsemo. Zakary yaciye umuhigo ku rwego rw’igihugu wo kwiruka metero 400 mu masegonda 50.71 ku wa Mbere.

Cyakora, Zakary ntiyigeze atangira isiganwa ryari riteganyijwe ku wa Kabiri. Manunga yarangiye isiganwa ari uwa gatandatu muri metero 400 zirimo kwiruka no gusimbuka nyuma yo kwiruka mu gihe cya 58.96.

Abanya Kenya cumi na batatu, ubu bari mu bihano kubera ibyaha byo gukoresha imiti itemewe.

Mbere gato muri uku kwezi, ikigo cy’isi gipima imiti itemewe ( Wada) cyatangaje ko kizatangiza iperereza ryihutirwa ku birego by’ikoreshwa ry’imiti ryasakaye mu mikino ngororangingo.

Ikinyamakuru The Sunday Times cyasohoye imibare y’abakinnyi ibihumbi bitanu, kivuga ko yerekana urugero rwo kubeshya (gukoresha imiti itemewe) gukemeye cyane.