Blatter yavuze ko atazegura

Blatter avuga ko nta kintu kinyuranyije n'amategeko yakoze. Uwufise ububasha kw’isanamu
Image caption Blatter avuga ko nta kintu kinyuranyije n'amategeko yakoze.

Sepp Blatter yavuze ko atazegura ku buyobozi bw'ishyirahamwe ry'umupira w'amaguru ku isi FIFA kubera iperereza rimukorwaho n'ubushinjacyaha bw'Ubusuwisi.

Uyu musuwisi - w'imyaka 79, arakorwa iperereza ku masezerano yerekeranye n'uburenganzira bwo kwerekana amashusho kuri televiziyo Sepp Blatter yasinyanye muri 2005 na Jack Warner wari umukuru w'ishyirahamwe ry'umupira w'amaguru mu karere ka Caraibes.

Bwana Blatter kandi arekwaho kuba yarahaye mu buryo budasobanutse neza umukuru w'ishyirahamwe ry'umupira w'amaguru mu Burayi, Michel Plattini, amafaranga y'amasuwisi angana n'amadolari miliyoni ebyiri muri bibiri na cumi na rimwe.

Platini - w'imyaka 60 - yandikiye abanyamuryango b'ishyirahamwe ry'umupira w'amaguru mu Burayi UEFA avuga ko nta kibi yigeze akora.

Sepp Blatter nawe avuga ko nta kintu yakoze kinyuranyije n'amategeko.

Bisanzwe bizwi ko yavuze ko azava ku buyobozi bwa FIFA mu kwezi kwa kabiri k'umwaka utaha.