Sepp Blatter arwaye "stress"

Uwufise ububasha kw’isanamu Getty
Image caption Sepp Blatter

Sepp Blatter,perezida w'ishyirahamwe ry'umupira w'amaguru ku isi-FIFA- wahagaritswe kuri ako kazi by'agateganyo, arakurikiranywa n'abaganga ku guhungabana mu mutwe "stress" ariko ntabwo ari mu bitaro.

Klaus Stoehlker, umuvugizi we, yavuze ko Blatter ufite imyaka 79, wamaze imyaka 18 ayobora FIFA, akaba yarafatiwe icyemezo cyo guhagarika ako kazi mu gihe cy'iminsi 90, ubu arimo gukurikiranywa n'abaganga.

Yavuze ko Blatter afite ibibazo byinshi bishoboka ko aribyo byamugizeho ingaruka.

Stoehlker yabwiye BBC ko Blatter ari mu rugo, ko adashobora kuzava mu rugo rwe mbere y'impera z'icyumweru gitaha.

Abantu 7 bazaharanira umwanya w'ubuyobozi bwa FIFA ku itariki ya 26, ukwezi kwa 2, umwaka utaha.