Nigeria na Mali muli finali

Nigeria niyo ifite igikombe giheruka. Uwufise ububasha kw’isanamu AP
Image caption Nigeria niyo ifite igikombe giheruka.

Nigeria na Mali byabonye itike yo gukina umukino wa nyuma w'igikombe cy'isi mu mupira w'amaguru mu bakinnyi bari munsi y'imyaka 17.

Iryo rushanwa rirabera mu gihugu cya Chile.

Nigeria ifite igikombe giheruka yatsinze muri kimwe cya kabiri Mexique 4-2 ariko Mexique niyo yari yabanje kwinjiza igitego.

Mali nayo igeze muri finali itsinze Ububirigi 3-1.

Uyu mukino uzahuza aya makipe yombi yo ku mugabane wa Afurika uzabera kuri sitade ya Sausalito mu mujyi wa Vina del Mar ku cyumweru.

Iyi ni inshuro ya mbere ikipe ya Mali y'abari munsi y'imyaka 17 igera ku mukino wa nyuma w'igikombe cy'isi cya FIFA mu gihe Nigeria yo ari inshuro ya munani.