TP Mazembe yegukanye Champions League

TP Mazembe yegukanye igikombe cya Champions League muri Afurika nyuma yo gutsinda USM Alger.

Iyi ni inshuro ya gatanu iyi kipe yegukana icyo gikombe cy'amakipe yabaye aya mbere iwabo ku mugabane wa Afurika.

TP Mazembe yatsinze USM Alger 2-0 mu mukino wo kwishyura wabereye imbere y'abafana bayo i Lubumbashi. Ibyo bitego byatsinzwe n'umunyatanzania Mbwana Samatta na Roger Assale wo muri Cote d'ivoire.

Mu mukino ubanza wabereye muri Algeria, TP Mazembe yari yatsinze ibitego 2-1.

ASM Alger yarangije umukino ifite abakinnyi 10 gusa mu kibuga kubera ko Zinedine Ferhat yahawe amakarita abiri y'umuhondo bityo akava mu kibuga.