Amahano y'imiti itemewe muri siporo

Uwufise ububasha kw’isanamu Getty
Image caption Uburusiya si bwo bwonyine bwugarijwe n'amahano y'ibiyobyabwenge mu mikino

Uburusiya ndetse n’isi muri rusange byugarijwe n’amahano yo gufata imiti y’ibiyobyabwenge.

Icyegeranyo cy’urwego rw’isi rurwanya gufata imiti itemewe ku birego, cyanzuye ko uburiganya muri iyi mikino bwabaye karande. Icyegeranyo kivuga ko abakinnyi, abatoza, abaganga ndetse n’inzego z’umutekano mu Burusiya zagize uruhare kugira ngo abarushanwa bafate imiti kandi ntibagerweho n’ingaruka. Banarenze aho, basobanura imikino ya Olempike yabereye I Londres nk’iyafashwe matekwa n’Abarusiya. Ben Sutherland arareba ibindi bihe by’ifata ry’imiti byashegeje abakinnyi.

1. Ben Johnson ( 1988 Imikino ya Olempike)

Uwufise ububasha kw’isanamu AP
Image caption Ben Jonhson

Itsinzi ya Ben Johnson yo gusiganwa muti metero 100 mu mikino ya olympiques yabereye I Seoul mu 1998 ni imwe mu zitangaje mu mateka y’imikino ngororamubiri; uburyo yanikiye uwari ufite uwo muhigo kuri uwo mwanya, Carl Lewis byari akataraboneka.

Ihihe cy’amasegonda 9 n’ibice 79 yakoresheje cyaratangaje cyane, ku buryo cyaje guhindurwamo izina rya filimi ku bijyanye n’umukino wo gusiganwa. Hanyuma, nyuma y’iminsi 3, isi yamenye uko yari yabigenje. Uyu mukinyi w’umunya Canada yari yafashe imiti imwongerera imbaraga kandi ibujijwe.

2. Tyson Gay (Amarushanwa ku rwego rw’isi 2015)

Uwufise ububasha kw’isanamu AP
Image caption Tyson Gay

Uyu mukinyi w’umunya Amerika, Tyson Bay, yamenyekanye igihe yatsindiraga umudari wa zahabu mu gusiganwa muri metero 100, 200m, na metero 400 zo guhererekanya agati mu marushanwa y’isi yabaye mu 2007- umwaka umwe mbere y’uko Usain Bolt ava mu mikino ya Olympique yabereye I Beijing, bituma Gay ahinduka umwe mu birangirire ku isi.

Ariko ubwo Bolt yatsindwaga, Gay we yashizemo imbaraga. Izo zahabu zasaga nk’izaranze umwuga we, atari ku ruhande rwa Bolt gusa, ahubwo no ku bindi birangirire by’abanya Jamaica nka Asafa Powell ahita atangira kwigaragaza.

Hanyuma mu 2013, hatangajwe ko Gay basanze yarafashe imiti ibujijwe. Ndetse yaje no kubyemera, ariko amakosa ayashyira ku wundi muntu atatangaje izina.

Ibyo byashoboraga kugarukira aho, uretse ko ubwo yasubiraga mu mikino nyuma yo guhagarikwa umwaka wose, yari ameze neza cyane, yegukana intsinzi umusubizo.

Kugaruka kwe mu marushanwa ari mu bihe byiza cyane byavuzweho byinshi bitandukanye, ariko mu 2015, hari impungenge nyinshi ko iyo aza gutsinda mu marushanwa y’isi akomeye yabereje I Beijing.

Ariko siko byagenze, yatsinzwe na Bolt nyuma yo gusa nk’utsikiye hasigaye metero nke ngo agere ku murongo.

3. Ilona Slupianek ( 1977 Igikombe cy’Uburayi)

Uwufise ububasha kw’isanamu Getty
Image caption Ilona Slupianek

Slupianek si rimwe mu mazina azwi cyane kuri uru rutonde, ariko yatoranyijwe ahanini kubera amakuru amuvugwaho. Amwe mu mayeri akomeye yo gukoresha imiti ntibigaragare, yo mu Burasirazuba bw’Ubudage.

Uyu mukobwa utera ibiremereye bamusanzemo imiti mu mubiri mu mikino y’igikombe y’Uburayi yabereye I Helsinki, ubwo yateraga mu buryo butangaje muri metero 21,20.

IAAF yahise imwirukana, inamuhagarika amezi 12. Bizeraga ko gukora ibyo bizabera isomo n’abandi bose.

Haje kuba ibihabanye neza n’ibyo IAAF yifuzaga. Slupianek yasubiye mu Budage kurangiza igihe yahawe cyo guhagarara, aho yanahise ashobora kubona imiti itagaragara mu maraso- mu Burasirazuba bw’Ubudage, aho bahise bashimangira ko abakinnyi babo bapimwa mbere y’uko bajya mu mikono mpuzamahanga, kugira ngo bizeze ko bazarokoka ipimwa ry’amaraso mu gihe bari mu mahanga.

4. Marion Jones (Imikino ya Olempike yo mu 2000)

Uwufise ububasha kw’isanamu AP
Image caption Marion Jones

Umukinnyi ngororangingo uzwi cyane mu mahano azwi nka Balco, Jones yari yatsindinze amarushanwa muri metero 100 na 200 mu mikino ya Sydney mu mwaka wa 2000, muri icyo gihe yari yaregukanye andi marushanwa abiri ku rwego rw’isi.

Ariko yambuwe imidari ye nyuma y’uko uwahoze ari umugabo we, CJ Hunter, atangiye ubuhamya ku ndahiro akabwira abacamanza ko yamubonye ashyira Amira ibiyobyabwenge mu mikino ya Sydney.

Kugera mu mwaka wa 2007 Jones yashimangiye ko yari umwere, aza kuva ku izima yemera ko yabeshye kandi ari ku ndahiro ku ruhare rwe mu mahano y’urubanza rwa Balco. Hari n’abandi bakinnyi b’ibyamamare 20 bashyizwe mu majwi, si Hunter wenyine, barimo na Tim Montgomery (war na se w’umwana wa mbere wa Jones) ndetse n’umukinnyi wa Baseball Barry Bonds.

5. Liliya Shobukhova ( Marato yabereye I Londres mu 2010)

Uwufise ububasha kw’isanamu Reuters
Image caption Liliya Shobukhova

Shobukhova we na Yevgeniya Pecherina wateraga ingasire ni we wabaye nyirabayazana w’amahano ishyirahamwe ry’imikino ngororamubiri ririmo mu Burusiya. Ikiganiro yahaye televiziyo mu Budage, cyahise mu kwezi kwa Cumi na Kabiri 2014, ni cyo cyabaye imbarutso y’iperereza ryakozwe.

Shobukhova yemeye muri icyo kiganiro ko yahaye ishyirahamwe ry’imikino ngororangingo mu Burusiya ama Euro 450.000 kugira ngo rihishire ipimwa rye ryagaragaye ko yakoreshaga ibiyobyabwenge.

Hagati aho, Pecherina, we yavuze ko 99% by’abakinnyi ngororangingo mu Burusiya bakoresheje ibiyobyabwenge. Ariko n’ubwo iterambere rya Pecherina mu mukino ryabangamiwe n’amarushanwa yo mu gihugu, Shobukhova yatsinze isiganwa rirerire bita Marathon ryabereye I Londres.

Ubu ari mu gihano cyo guhagarikwa imyaka ibiri nyuma y’uko urupapuro rwe rw’inzira rw’abajya mu mahanga (passport) rugaragariyemo ibintu bihabanye.

Icyo kiganiro mbarankuru cya televiziyo cyinarimo amashusho yafashwe mu buryo bw’ibanga yerekana umukinnyikazi wiruka metero 800 Mariya Savinova, wanatsindiye umudari wa zahabu mu mikino ya Olempike ya Londres muri 2012, yemera gukoresha imiti yongera imbaraga ibujijwe yitwa “Oxandrolone”.