Champions League: Arsenal v Barcelona

Uwufise ububasha kw’isanamu AP

Arsenal izakina na Barcelona ifite igikombe cya Champions League muri 1/8 cy’irushanwa. Chelsea yatomboye Paris St-Germain ku nshuro ya gatatu yikurikiranyije mu gihe Manchester City izahura na Dynamo Kiev. Roma na Real Madrid ndetse na Juventus yatsinzwe ku mukino wa nyuma umwaka ushize izakina na Bayern Munich ni indi mikino itegerezanyijwe amatsiko menshi.

Imikino ya mbere izakinwa ku itariki 16-17 na 23-24 z’ukwezi kwa Kabiri. Imikino yo kwishyura ni ku itariki ya 8-9 na 15-16 z’ukwa Gatatu 2016.

Amakipe yabaye aya mbere mu itsinda arimo Chelsea na Manchester City azakinira ku kibuga cyayo ku mukino wa mbere mu gihe Arsenal izakinira umukino wayo wa mbere mu rugo.

Barcelona na Arsenal ni isubiramo y’umukino wa nyuma wa 2006 igihe Barcelona yatsindaga 2-1 I Paris.

Umwaka ushize PSG, iyoboye urutonde rwa shampiyona mu Bufaransa, yasezereye Chelsea ku kinyuranyo cy’ibitego byatsindiwe hanze mu gihe Blues yari yatsinze PSG muri ubwo buryo umwaka wabanje muri ½. Dynamo Kiev yatsinze Manchester City muri Europa League ya 2010-11 muri 1/8 icyo gihe Mario Balotelli yahawe ikarita itukura.

Umukino ubanza i Kiev uzakinirwa muri sitade itarimo abafana kubera ko Dynamo Kiev yahanwe nyuma y’ibitutsi bishingiye ku ivanguraruhu byibasiye abafana igihe Chelsea yakinaga nayo.

Tombora y’imikino ya ¼ izaba ku itariki 18 z’ukwa Gatatu naho umukino wa ½ ukazaba ku ya 15 z’ukwezi kwa Kane.

Tombora yuzuye:

Gent v Wolfsburg

Roma v Real Madrid

Paris St-Germain v Chelsea

Arsenal v Barcelona

Juventus v Bayern Munich

PSV Eindhoven v Atletico Madrid

Benfica v Zenit St Petersburg

Dynamo Kiev v Manchester City