Ibiganiro byerekeye Mourihno byababaza Van Gaal

Uwufise ububasha kw’isanamu Getty

Louis Van Gaal avuga ko “yatenguhwa” no kumva ko Manchester United yagiranye ibiganiro na Jose Mourinho.

Nta kintu Manchester yavuze nyuma y’amakuru yo mu cyuimweru gishize atangaje ko abayobozi b’iyi kipe bagiranye ibiganiro n’abahagarariye uwahoze atoza Chelsea, Jose Mourihno.

Igihe yabazwa niba atekereza ko hari ibiganiro byaba byarabaye, Van Gaal yagize ati: “Mu mupira w’amaguru ibyo birashoboka, ariko simbitekereza”.

Yavuze ko afitanye “umubano” n’umuyobozi mukuru Ed Woodward ndetse na ba ny’iri kipe the Glazers kandi ko “babimbwira”.

Uwufise ububasha kw’isanamu Getty

Ku kibazo cyo kumenya niba guceceka kwa United ku bijyanye na Mourihno giteye impungenge, Van Gaal w’imyaka 64 yagize ati:

“Si ngombwa gusubiza amakuru y’amahimbano. Nemeranya n’iyi gahunda y’ikipe”.

United iri hanze y’umurongo w’amakipe mu irushanwa rya Champions League kandi iri ku mwanya wa gatanu ku rutonde rwa shampiyona y’Ubwongereza, amanota atandatu inyuma ya Manchester City iri ku mwanya wa kane.

Uwufise ububasha kw’isanamu Getty
Image caption Jose Mourihno ashobora kuba yaragiranye ibiganiro na Manchsetr United

Kuri uyu wa Gatandatu, Manchester United irakina na Sunderland iri ku mwamba wo kujya mu kiciro cya kabiri.

Van Gaal watangiye gutoza ikipe mu kwezi kwa Gatanu kwa 2014 akanageza Manchester United ku mwanya wa kane umwaka ushize, yemeranya n’abavuga ko undi mwanya wa kane wabonwa nka “shampiyona nziza”.

Uwufise ububasha kw’isanamu PA
Image caption Wayne Rooney ntiyahiriwe cyane na shampiyona y'uyu mwaka

Yagize ati: “Ndabyemera, ariko ibyo byasuzumwa n’ubuyobozi [bw'ikipe] ndetse wenda n’itangazamkuru.

Yongeyeho ati:”Ntekereza ko ugomba kureba uburyo ibintu bimeze, uko ukora, kandi ntekereza ko ubuyobozi buri kubikora.”

Ibindi kuri iyi nkuru