Van Gaal: Inzira ya Europa League ni yo yoroshye

Uwufise ububasha kw’isanamu Getty
Image caption Louis Van Gaal asa n'uwakuye amaso mu isiganwa ry'igikombe cya Premier League

Umutoza Louis Van Gaal avuga ko gutwara igikombe cya Europa League ubu ni yo “nzira yoroshye” kuri Manchester United kugira ngo izitabire amarushanwa ya Champions League y’umwaka utaha.

Nyuma yo gutsindwa na Sunderland 2-1 ku wa Gatandatu, bivuze ko United iri inyuma ho amanota atandatu kugira ngo igere mu myanya ine ya mbere.

Igihe umutoza Louis Van Gaal yabazwaga niba United ishobora kubona umwanya wo kujya mu irushanwa rya Champions League, yagize ati: “ Bizakomera cyane”.

“Nyuma y’uyu mukino [twatsinzwe]Europe League ni yo nzira itworoheye kubera ki hari amakipe menshi akomeye”.

Kuva umwaka ushize, ikipe itsinze itwaye igikombe cya Europa League ibona umwanya muri Champions League.

United izakina na FC Midtjylland yo muri Danemarke mu mukino wayo ubanza wa 1/8 cya Europa League ku wa Kane.

Ibindi kuri iyi nkuru