રિસેપ્શનમાં પશ્મીના શાલમાં જોવા મળ્યા વિરાટ, લાલ સાડીમાં અનુષ્કા
ઇટલીમાં લગ્ન બાદ સ્ટાર દંપતીએ દિલ્હીમાં રિસેપ્શન આપ્યું, PM મોદી રહ્યા ઉપસ્થિત.
ઇમેજ સ્રોત, Getty Images
ભારતીય ક્રિકેટ ટીમના કેપ્ટન વિરાટ કોહલી અને અનુષ્કા શર્માએ હાલ જ ઇટલીમાં લગ્ન કર્યાં હતાં. ગુરૂવાર (21 ડિસેમ્બર 2017)ના રોજ આ નવદંપતીએ દિલ્હીમાં રિસેપ્શન પાર્ટી આપી હતી.
ઇમેજ સ્રોત, Getty Images
આ રિસેપ્શનમાં ભારતીય વડાપ્રધાન નરેન્દ્ર મોદી પણ સામેલ થયા હતા. વિરાટ અને અનુષ્કા શર્માએ 11 ડિસેમ્બરના રોજ લગ્ન કર્યાં હતાં.
ઇમેજ સ્રોત, Getty Images
રિસેપ્શનમાં અનુષ્કાએ લાલ રંગની સાડી પહેરી હતી. તો વિરાટ કોહલી કાળા રંગના કુર્તા પર પશ્મીનાની શાલ સાથે જોવા મળ્યા હતા. વિરાટ અને અનુષ્કાની જોડીને ભારતીય મીડિયામાં 'વિરુષ્કા' નામ અપાયું છે.
ઇમેજ સ્રોત, Getty Images
આ રિસેપ્શન પાર્ટી દિલ્હીના તાજ ડિપ્લોમેટિક એનક્લેવમાં રાખવામાં આવી હતી. વિરાટ દિલ્હીના રહેવાસી છે.
ઇમેજ સ્રોત, TWITTER/@PMOINDIA
રિસેપ્શનના એક દિવસ પહેલા વિરાટ અને અનુષ્કાએ દિલ્હીમાં વડાપ્રધાન મોદી સાથે મુલાકાત કરી હતી. બન્નેએ વડાપ્રધાન મોદીને રિસેપ્શનનું નિમંત્રણ પણ આપ્યું હતું.
ઇમેજ સ્રોત, JOSEPH RADHIK
વિરાટ અને અનુષ્કા 26 ડિસેમ્બરના રોજ મુંબઈમાં પણ રિસેપ્શન પાર્ટી આપશે.
ઇમેજ સ્રોત, TWITTER/ANUSHKA SHARMA
11 ડિસેમ્બરે લગ્ન બાદ વિરાટ અને અનુષ્કાએ ટ્વિટર પર લગ્નની તસવીર શેર કરી હતી. લગ્નમાં ખૂબ જ ખાસ મિત્રો અને પરિવારજનોને જ બોલાવવામાં આવ્યાં હતાં.
ઇમેજ સ્રોત, TWITTER
વિરાટ કોહલી અને અનુષ્કા શર્મા લાંબા સમયથી પ્રેમમાં હતાં. બન્નેએ કેટલીક જાહેરાતોમાં સાથે કામ કર્યું છે.