કેનેડાના વડાપ્રધાન જસ્ટીન ટ્રુડો તસવીર ખેંચાવવાની બાબતે મોદીને ટક્કર આપે?

જસ્ટીન ટ્રુડો પરિવાર સાથે Image copyright Getty Images

તસવીર ખેંચાવાની વાત કરવામાં આવે તો ભારતના વડાપ્રધાન નરેન્દ્ર મોદીને કોઈ ટક્કર ના આપી શકે.

અલગઅલગ વસ્ત્ર પરિધાનમાં મોદીની જાણે કેટલીય તસવીર સોશિયલ મીડિયા પર ફરતી હશે!

આપને આ વાંચવું ગમશે :

જોકે, મોદીને આ મામલે ટક્કર આપી શકે એવી એક વ્યક્તિ આવી ગઈ છે. અને તેઓ છે કેનેડાના વડાપ્રધાન જસ્ટીન ટ્રુડો.

કેમેરા તરફ જોવાની અદા

દેશ-વિદેશમાં મોદીએ કેમેરા સામે જોઈને ખેંચાવેલી કેટલીય તસવીરો સામે આવી છે. અને આ માટે કેટલીય વખત મોદી સોશિયલ મીડિયામાં ટ્રૉલ પણ થયા છે.

ભારતના પ્રવાસે આવેલા ટ્રુડોને પણ આ કળામાં મહારથ હાંસલ હોય એવું લાગી રહ્યું છે. પછી એ એરપોર્ટ પર ઉતરવાની તસવીર હોય કે તાજમહેલની, ટ્રુડોની નજરો કેમેરા જ શોધી જ લે છે.

Image copyright Getty Images
Image copyright Getty Images

સોશિયલ મીડિયા પર પણ લોકો ટ્રુડોની આ અદાની ચર્ચા કરી રહ્યા છે. નવદિપસિંઘ નામના ટ્વિટર યુઝરે એક તસવીર પોસ્ટ કરી લખ્યું છે, 'મળો ભારતીય દંપતિને'

રાહુલ ચૌધરી નામના એક ટ્વિટર યુઝરે લખ્યું, 'શાહરૂખ ખાનના અંદાજમાં જસ્ટીન ટ્રુડો.'

મોદીની નકલ?

ચરખો ચલાવતા મોદીની આ તસવીર આપ ભૂલ્યા નહીં હોવ. સાબરમતી આશ્રમમાં આ તસવીર 29 જૂન 2017એ લેવામાં આવી હતી. મોદીની ગણીગાઠી તસવીરોમાંની આ તસવીર છે, જેમા તેઓ કેમેરા તરફ નથી જોઈ રહ્યા.

Image copyright Getty Images

ટ્રુડો આ વખતે જ્યારે સાબરમતી આશ્રમ પહોંચ્યા ત્યારે તેમનો અંદાજ પણ કંઈક આવો જ હતો.

Image copyright Getty Images

ભારતીયો સાથે જોડાવાનો પ્રયાસ

પીએમ મોદીની એક ખાસ વાત એ છે કે તેઓ જે પણ પ્રદેશમાં જાય, ત્યાંના પરિધાન અને ભાષા અપનાવવાનો પ્રયાસ કરે છે.

લોકસભાની ચૂંટણી વખતે અલગ અલગ રાજ્યોમાં અલગ અલગ ટોપી પહેરેલા મોદીની તસવીરોએ ખૂબ ચર્ચા જગાવી હતી.

ભારત આવ્યા બાદ ટ્રુડોની જે પ્રથમ તસવીર સામે આવી, તેમાં તેઓ આખા પરિવાર સાથે હાથ જોડીને ઊભેલા જોવા મળ્યા હતા. સ્પષ્ટ દેખાઈ રહ્યું હતું કે તેઓ પોતાને ભારતીયોની નજીક બતાવવા માગતા હતા. કેટલાય અવસરે તેઓ પરિવાર સહિત ભારતીય વસ્ત્રોમાં જ જોવા મળ્યા.

Image copyright Twitter/@canadianpm

જોકે, કેટલાય લોકો આ બદલ તેમની ટીકા પણ કરી રહ્યા છે.

જમ્મુ અને કાશ્મીરના પૂર્વ મખ્યપ્રધાન ઓમર અબ્દુલ્લાહે ટ્રુડોની તસવીર ટ્વીટ કરીને લખ્યું, ''એવું શું મને જ લાગી રહ્યું કે બનાવટી મુસ્કાન થોડી વધી ગઈ છે? તમને જણાવી દઉં કે ભારતીયોને આ કાયમ સારું ના લાગે. બોલિવૂડમાં પણ.''

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો