વેનેઝુએલા : અંધારપટની વચ્ચે પાણી માટે વલખાં મારતાં લોકો

વેનેઝુએલાના લોકો Image copyright REUTERS

પહેલાં વીજળી નહીં અને હવે પાણીની અછત. વિશ્વના સમૃદ્ધ દેશોમાંથી એક દેશ આજે પાણી માટે વલખાં મારી રહ્યો છે.

વેનેઝુએલાના કારાકાસ અને બીજા અન્ય શહેરોમાં છેલ્લાં કેટલાક દિવસથી વીજળી નથી અને હવે સ્થાનિકોને વીજળી ન હોવાને કારણે પાણી મળી રહ્યું નથી.

ઘરે ઘરે પાણી પહોંચાડતા પંપ નકામા બની ગયા છે.

કેટલાક વિસ્તારોમાં થોડાં સમય માટે વીજળી આવી તો લોકોએ ફટાફટ બાલટીઓ પાણીથી ભરી લીધી, જ્યારે બીજી જગ્યાઓએ છેલ્લા ઘણા દિવસથી લોકોને પાણી નસીબ થયું નથી.

Image copyright EPA

કારાકાસમાં લોકોને જે હાથમાં આવ્યું તે લઈને પાણી ભરવા નીકળી પડ્યા હતા.

કેટલાક લોકો ગામની બહાર પાણીની શોધમાં નીકળતા જોવા મળ્યા. રસ્તાઓ પર લોકોની લાંબી લાઇન જોવા મળી હતી.

Image copyright Getty Images

દેશમાં વીજળી સંકટ માટે વેનેઝુએલાની સરકાર અને દેશની વિપક્ષ પાર્ટી એકબીજા પર દોષારોપણ કરી રહી છે. વિપક્ષના આંકડા અનુસાર વેનેઝુએલામાં જે પરિસ્થિતિ સર્જાઈ છે તેમાં 24 લોકોનાં મૃત્યુ થયાં છે.

Image copyright Getty Images

રાષ્ટ્રપતિ નિકોલસ મદુરાઓએ કોઈ પુરાવા વગર કહી દીધું છે કે આ બધું સાઇબર અટેકનું પરિણામ છે જે અમેરિકા અને અમેરિકાની ટેકનૉલૉજી દ્વારા કરવામાં આવ્યો છે.

Image copyright EPA

દેશના વકીલ તારેક સાબે કહ્યું છે કે વિપક્ષ નેતા જુઆન ગુઆઇદોની આ હુમલામાં સંડોવણી અંગે તપાસ થશે.

આ તરફ જુઆન ગુઆઈદોનું કહેવું છે કે આ સમસ્યા સરકારની અવ્યવસ્થાનું પરિણામ છે.

Image copyright AFP

મદુરાઓ અને ગુઆઇદો વચ્ચે છેલ્લા કેટલા સમયથી વાકયુદ્ધ ચાલી રહ્યું છે જ્યારથી વિપક્ષ પાર્ટીના નેતાએ પોતાની જાતને 23 જાન્યુઆરીના રોજ દેશના વચગાણાના રાષ્ટ્રપતિ તરીકે જાહેર કર્યા છે.

તેમની દલીલ હતી કે નિકોલસ મદુરાઓને ગત મે મહિનામાં ફરી સત્તા મળી તે યોગ્ય ન હતું.

Image copyright Reuters

જુઆન ગુઆઈદોને વિશ્વના 50 દેશોનું સમર્થન છે કે જેમાં અમેરિકા અને લેટિન અમેરિકાના ઘણા લોકોનો સમાવેશ થાય છે. આ તરફ નિકોલસ મદુરાઓને ચીન અને રશિયાનું સમર્થન છે.

ચીને વેનેઝુએલાની સરકારની મદદની રજૂઆત પણ કરી છે.

ચીનના વિદેશ મંત્રાલયના પ્રવક્તા લુ કેંગએ કહ્યું હતું, "ચીનને આશા છે કે વેનેઝુએલાને જલદી પરિસ્થિતિ શા માટે સર્જાઈ છે તેનું કારણ મળી જાય અને ત્યાં સ્થિતિ સામાન્ય થાય."

તમે અમને ફેસબુક, ઇન્સ્ટાગ્રામ, યુટ્યૂબ અને ટ્વિટર પર ફોલો કરી શકો છો