Hamilton na fatan samun nasara a Malaysian Grand Prix

Lewis Hamilton ya ce yana da kwarin gwiwar cewa zai farfado domin kare kanbunsa na gasar tseren motoci ta Formula 1 a karo na hudu.

Hamilton na mataki na biyu da tazarar maki takwas tsakaninsa da Nico Rosberg a daidai lokacin da ya rage wasanni shida a kammala gasar.

A ranar Lahadi ne za a fafata a gasar Malaysian Grand Prix.

Zakaran na duniya mai shekara 31 ya ce: "Akwai bukatar samun sakamako mai kyau domin lashe gasar.

Sai dai ya ce samu irin wadannan nasarori a baya, a don haka babu dalilin da zai sa ya fitar da rai a yanzu".

Abokin wasansa na tawagar Mercedes Nico Rosberg ne ya lashe wasanni uku a jere na baya, inda ya kawar da tazarar maki 19 da Hamilton ya bashi a karshen watan Yuli.