Arsenal za ta ziyarci Basel ba tare da Coquelin ba

Arsenal za ta kara da Basel Hakkin mallakar hoto Rex Features
Image caption Arsenal za ta taka leda ba tare da Francis Coquelin

Arsenal za ta kara da Basel a gasar cin kofin zakarun Turai wasa na biyu na cikin rukuni farko a ranar Laraba, ba tare da Francis Coquelin ba sakamakon raunin da ya yi.

Dan kwallon mai buga wasan tsakiya ya yi rauni ne a gwiwarsa a karawar da Arsenal ta ci Chelsea 3-0 a gasar Premier a ranar Asabar.

Arsene Wenger ya ce yana fargabar raunin da dan kwallon ya yi, domin iri daya ne da wanda ya yi a bara wanda ya sa ya yi jinyar wata biyu.

Shi ma Olivier Giroud ba zai buga karawar ba, sakamakon jan kati da aka bashi a wasan farko da Arsenal ta buga kunnen doki 1-1 da Paris St-Germain a Faransa.